Летото наближува, а со него и времето во кое вообичаено досега се одржуваа летните кампови на Мисијата за евангелизација на деца (МЕД), за тинејџери и деца. Минатото лето пандемијата со Ковид 19 нè спречи да ги одржиме камповите иако ние бевме целосно подготвени. Подготвени сме и годинава. Програмата е целосно испланирана, пријавите се веќе направени, сместувањето е обезбедено.  Нашата желба, а веруваме и на тинејџерите /децата, за реализација на овој настан е огромна. Сепак сè зависи од тоа како ќе се одвива ситуацијата со Ковид 19 во претстојниот период.

Затоа, ве покануваме да ги пријавите вашите деца со напомена дека крајната одлука за одржување на кампот ќе биде донесена во средината на месец јуни. Дотогаш, ќе можете да ги пријавите камперите на поканите кои ќе бидат доставени во вашите цркви, или побарајте да ви испратиме соодветна покана во електронска форма (pdf). Можете регистрацијата да ја направите и на следниот Гугл формулар: https://forms.gle/998LcLLfSzexLtMr5